Բարև ձեզ ես Անի Մրտեյանն եմ: Աշխատում եմ Նոր դպրոցում, որպես անգլերեն լեզվի դասավանդող: 2013-թվ. Սեպտեմբերին կրթահամալիր վերադարձա երկարատև ընդմիջումից հետո (ամուսնացել եմ և ունեմ երկու սեբաստացի): Կապս կրթահամալիրից չէր կտրվել հասկանալի պատճառներով, գիտեի, որ շատ բան է փոխվել.նոր միջավայր, նոր մեդիահմտություններ, նոր աշխատանքային ծրագրեր, նախագծային ուսուցում, դասընթացները նեթբուք-նոթբուքերով, դիջիտեք և այլն:Սկզբում դժվար էր, բայց կամաց-կամաց հաղթահարում եմ և ինտեգրվում:
Լավ, հիմա մի քիչ ավելի գործնական խոսեմ.
- ստեղծվեց իմ բլոգը, որը քայլ առ քայլ զարգանում է և հարստանում
- սկսեցինք աշխատել նախագծի շուրջ, արդյունքում ստեղծվեցին մի շարք կարաոկեներ
- սովորողների հետ միասին ստեզծեցինք Our poems շարքը, որը շարունակական աշխատանք է
- ընթացքի մեջ է էլեկտրոնային ձայնային այբբենարանը, որը պատրաստ կլինի մինչև ուստարվա վերջ
- դիջիտեքին նարկայացնելու եմ թարգմանություն (ընթացքի մեջ է)
- 2014 թվ-ին ուզում եմ իրագործել <<Հայկական մուլտֆիլմները անգլերեն լեզվով>> նախագիծը:
Հետևելու եմ տոնացույցին, որի արդյունքում ավելի շատ նախագծեր կստեղծվեն:
Մտահղացումները և անելիքները շատ են, հուսով եմ կհասցնեմ իրագործել դրանցից յուրաքանչյուրը:
Որպես վերջաբան կխնդրեի ներողամիտ լինենք միմյանց նկատմամբ և լինենք ավելի բարի, դրանից ոչ ոք չի տուժի, այլ կշահի…